E vēhea te kikilaga ma te fakaaogāga o ō fakamatalaga tau te ola mālōlō How we manage and use your health information
Ko nā tautuaga mo te ola mālōlō o tagata lautele – National Public Health Service (NPHS) – Northern Region e aofia ai te puipuiga ma te fakaitiitigia o te pepehi o nā fāmai pēhi.
Ko tona uiga e aofia ai te fakatinogia o ni fakafehili ma ki lātou kua maua i ni fāmai (nā tino kua maua i ni fāmai pe mahalomia e maua i ni fāmai pipihi) venā na tino nae tafapili ki nā tino iēnei (nā tino e fakapokepokegia e ōno maua i nā fāmai mai te tino e tauale), mā nā tino e fakamāopoopoa pe teugia nā fakamatalaga tōtino o tagata tautokatahi e tuku mai pe ko fea lava nā maua mai ai.
Ko ō fakamatalaga e puipuia i lalo o te tulāfono Health Information Privacy Code mā iētahi tulāfono.
Ko nā fakamatalaga e fakamāopoopo i te taimi e fai ai nā fakafehili, pe ko ni ā lava iētahi auala, e fakaaogā oioti lava ke fehoahoani ke taofia ai te pēhi o nā tauale pipihi ma puipuia ai iētahi tino.
Ko nā fakamatalaga e fakamāopoopo, e tāofi e NPHS mā te National Public Health Service, ko he vāega tēnei e ō Health New Zealand - Te Whatu Ora.
E ōno manakomia te NPHS ke fōki nā fakamatalaga nae fakamāopoopo mā ki lātou e taofiofia te pipihi o nā fāmai, vēia ko tō fōmai kāiga pe ko iētahi fehoahoaniga tau ola mālōlō. E fōki oioti nā fakamatalaga iēnei mō te māfuāga lava ke fehoahoani ki te puipuiga o nā fāmai pipihi.
Ko iētahi fakamatalaga e ōno fakailoa lauaitele, vēia ko nā koga ma nā fakatāhiga na fano koe ki ei. Ko te mea tēnei e fehoahoani ke hakili ai nā tino nā mahalomia nae tafapili atu ki ā te koe. Ko ō fakamatalaga tōtino e hē fakailoa lauaitelea.
E mafai e koe ke kē kitea ō fakamatalaga tau te ola mālōlō kāfai koe e fofou ki ei, e mafai foki koe lea ke fakahako kāfai e hehē pe hē hako.
E mafai e koe oi fakailoa ni ō popolega ki te puipuiga o ō fakamatalaga tau te ola mālōlō ki te tino ofiha e gafa ma te fakamalupuipuigia o nā fakamatalaga tau te ola mālōlō – District Privacy Officer, pē ko te Ofiha o te Komehina mō te malupuipuia o nā fakamatalaga tōtino.
Office of the Privacy Commissioner (external link)
Ko nā fakamatalaga e fakafehili atu ai ki a te koe, e tāua lahi lele ki te puipuiga ke nahe pēhi nā fāmai pipihi. Kāfai e hē tuku maia nā fakamatalaga, e faigatā lele ai ke puipui pe fefaiaki nā fāmāi iēnei. Ko iētahi taimi, ka mafai ai e ki mātou ke kaumai ni fakamatalaga e fakaaogā ai te Tulafono tau te Ola Mālōlō – Health Act.